අයිට්කෙන් ස්පෙන්ස් සහ සමාගම විසින් කළමනාකරණය කරන ලද බෙලිගම ගොවිපල පසුව ඉඩම් ප්‍රතිසංස්කරණ කොමිෂන් සභාව වෙත පවරා දෙන ලදී. 1975 දී මෙම ගොවිපල ජාතික පශු සම්පත් සංවර්ධන මණ්ඩලය වෙත පවරා දෙන ලදී.

මෙම කලාපයේ පස සාමාන්‍යයෙන් රතු කහ පොඩ්සොලික් වර්ගයට අයත් වන අතර පාංශු ප්‍රතික්‍රියාවන් සාමාන්‍යයෙන් මධ්‍යස්ථ ප්‍රමාණයේ සිට උපරිම ආම්ලික වන අතර වර්ෂාපතනය වැඩි වීමත් සමඟ පසෙහි ආම්ලිකතාවය වැඩි වීමේ ප්‍රවණතාවක් ඇත. කාබනික ද්‍රව්‍ය ප්‍රමාණය සහ නයිට්‍රජන් ප්‍රමාණය මධ්‍යස්ථ වේ. පොස්පරස් සහ පොටෑසියම් ප්‍රමාණය සාමාන්‍යයෙන් අඩු වේ. මව් පාෂාණ සහිත ප්‍රදේශ පොටෑෂ් ෆෙල්ඩ්ස්පාර් වලින් පොහොසත් වන අතර පොටසියම් සාමාන්‍ය ප්‍රමාණයෙන් ඇත. මෙම පසෙහි කැල්සියම් සහ මැග්නීසියම් සැපයුම තරමක් අඩු නමුත් මෙය රබර් වැනි බෝග සදහා බරපතල ලෙස බලපාන්නේ නැත. ඇතැම් පළතුරු බෝග සහ එළවළු සඳහා මෙම මූලද්‍රව්‍ය යෙදීම අවශ්‍යා වේ. මෙම පසෙහි ඇති කැටායන හුවමාරු ධාරිතාව හේතුවෙන් අධික වර්ෂාපතන තත්ත්වයක් යටතේ වුවද ඉතා හොදින් රසායනික පොහොර රදවා ගැනීමේ හැකියාවක් ඇත. පසේ ගැඹුරෙහි පාංශු වයනය සහ ජලාවහනය ඉතා හොඳය.